თბილისის საკრებულოს თავმჯდომარის, გიორგი ალიბეგაშვილის განცხადებით, დღევანდელი დღე შეხსენებაა იმისა, რომ გვყავდა და ყოველთვის გვეყოლება გმირი ბიჭები.
როგორც ალიბეგაშვილმა მუხათგვერდის ძმათა სასაფლაოზე აღნიშნა, სწორედ ასეთი გმირები გვასწავლიან, რომ არც ერთი წვეთი სისხლი ტყუილად არ იკარგება.
"ჩვენ ვალდებულებები გვაქვს ერთმანეთის წინაშე საქართველო არის უკვდავი ქვეყანა და ყოველთვის განვითარდება, ვიდრე ასეთი გმირი ახალგაზრდები ეყოლება. და ამავე, დროს ისინი გვასწავლიან, რომ არც ერთი წვეთი სისხლი ტყუილად არ იკარგება. უნდა გავუფრთხილდეთ ჩვენი ქვეყნის ინტერესებს, რომ ტყუილად სისხლი არ დაიღვაროს. მინდა, მივუსამძიმრო ყველა ოჯახს და გავამხნეო, რადგან ჩვენ მართლაც თავდადებული შვილები გვყავს",-აღნიშნა გიორგი ალიბეგაშვილმა.
