„ერთიანი ნაციონალური მოძრაობის“ ყოფილი დეპუტატის, დავით საყვარელიძის განცხადებით, მიხეილ სააკაშვილი დღეს უკრაინის მოქალაქეობისა და უკრაინაში შესვლის უფლების გარეშე დარჩა.
როგორც საყვარელიძე სოციალურ ქსელში წერს, უკრაინამ მიიღო მორიგი „იანუკოვიჩი“- ერთი განსხვავებით, ის ინგლისურად საუბრობს.
"ზედმეტი კომენტარი აქ უადგილოა. ნათელია, რომ უკრაინამ მიიღო მორიგი „იანუკოვიჩი“- ერთი განსხვავებით, ის ინგლისურად საუბრობს. ყველასთვის უკვე დიდი ხანია ცნობილია, რომ ასე გაგრძელება არ შეიძლება - უკრაინა აღმოჩნდა სახელმწიფოებრიობის შენარჩუნების ზღვარზე. ადამიანი, რომელიც ამის შესახებ ყველაზე ხმამაღლა საუბრობდა, დღეს დარჩა უკრაინის მოქალაქეობის და უკრაინაში შესვლის უფლების გარეშე, მაგრამ ეს ვერ შეაჩერებს პარტიას - „ახალი ძალების მოძრაობა - მიხეილ სააკაშვილს“. პირიქით, ჩვენს დარწმუნებულები ვართ, რომ ეს პეტრე პოროშენკოს რეჟიმის დასასრულს მოაახლოვებს. ჩვენ კოორდინირებას მოვახდენთ ჩვენს შექმნილ შტაბებთან სამომავლო ერთობლივ მოქმედებებთან დაკავშირებით და ვივლით წინ, შესაბამისი ზომების მიღებით. ვინ გვიდგას მხარში სიმართლისთვის?!", - წერს დავით საყვარელიძე.
ცნობისთვის, უკრაინული მედია სახელმწიფო საიმიგრაციო სამსახურის წყაროზე დაყრდნობით წერს, რომ მიხეილ სააკაშვილმა უკრაინის მოქალაქეობა დაკარგა.
როგორც უკრაინული მედია წერს , მოქალაქეობის დაკარგვის საფუძველი გახდა ის ფაქტი, რომ მიხეილ სააკაშვილმა უკრაინის მოქალაქეობა მოტყუების გზით მიიღო, რადგან უკრაინის მოქალაქეობის მინიჭების დროს, მის მიმართ საქართველოში სისხლის სამართლებრივი დევნა ხორციელდებოდა.
