"რუსთავი 2-ის" გენერალურმა დირექტორმა, ნიკა გვარამიამ საგანგებოდ გამართულ ბრიფინგზე განაცხადა, რომ ფინანსთა მინისტრმა, დიმიტრი ქუმსიშვილმა საქართველოს კანონმდებლობა უხეშად დაარღვია.
გვარამიას განმარტებით, მინისტრმა ის ინფორმაცია გასცა, რომლის დაცვას პირველ რიგში მას ევალება.
„ძალიან უხეშად იქნა დარღევული საქართველოს კანონმდებლობა მინისტრის მიერ, მან გათქვა ის ინფორმაცია რომლის დაცვა პირველ რიგში მას ევალება, ეს არის კონფიდენციალური ინფორმაცია, ეს არის კანონის მძიმე დარღვევა და ეს არის ძალიან ცუდი სიგნალი არა მხოლოდ შიდა სამეწარმეო წრეებისთვის, არამედ ბიზნესისთვის. ეს არის კონკურენტების სასარგებლოდ თამაში რაც დრეს მინისტრმა გააკეთა, შემთხვევითი არაა რომ იმედის ეთერში გააკეთა, მათ ქონდათ კომუნიკაცია ჩვენთან, ცდილობდნენ სიუჟეტის გაკეთებას. სახელმწიფოსა და იმედის ერთობლივი მოქმედებები ჯერ კიდევ არ დასრულებულა. "რუსთავი 2" უკვე 2 წელია იმყოფება უმძიმეს ფინანსურ წნეხში,“-განაცხადა ნიკა გვარამიამ.
ცნობისთვის, "რუსთავი 2-ის" გენერალურმა დირექტორმა აღნიშნული განცხადება ფინანსთა მინისტრის იმ განცხადების საპასუხოდ გააკეთა, რომლის თანახმადაც, ყველა კომპანიამ გადასახადი უნდა გადაიხადოს, წინააღმდეგ შემთხვევაში არაკონკურენტიანი გარემო იქნება.