საქართველო და მოლდოვა 25 ივნისს დიპლომატიური ურთიერთობების დამყარების 25 წლისთავს აღნიშნავენ,რომლის ფარგლებშიც ორივე ქვეყანაში რიგი ღონისძიებები გაიმართა. დიპლომატიური ურთიერთობების 25წლისთავთან დაკავშირებით ორი ქვეყნის საგარეო საქმეთა მინისტრებმა მისალოცი წერილები გაცვალეს.
„მოხარული ვარ, რომ ბოლო რამდენიმე წლის განმავლობაში ჩვენ მნიშვნელოვან წარმატებებს მივაღწიეთ როგორცორმხრივი, ისე მრავალმხრივი ურთიერთობების კუთხით. ამ წლების განმალობაში ჩვენი მიღწევები უკავშირდება მრავალ სფეროში არსებულ საერთო ინტერესებს, განსაკუთრებით კი ევროპული ინტეგრაციის პროცესებს. დარწმუნებული ვარ ორმხრივი ძალისხმევის შედეგად, ჩვენ შევძლებთ სავაჭრო, ეკონომიკური და კულტურულიკავშირების კიდევ უფრო გაღრმავებას," - აღნიშნულია მიხეილ ჯანელიძის მიერ მოლდოველი კოლეგისადმიგაგზავნილ წერილში.
მოლდოვის საგარეო საქმეთა მინისტრი ანდრეი გალბურიც საქართველოსა და მოლდოვას შორის ტრადიციულადმეგობრულ ურთიერთობებზე საუბრობს და აღნიშნავს, რომ: „ეს მნიშვნელოვანი თარიღი საშუალებას გვაძლევსკიდევ ერთხელ დავრწმუნდეთ ქართულ-მოლდოვურ ტრადიციულად მეგობრული ურთიერთობების სიმტკიცეში,რომელიც ეფუძნება ურთიერთპატივისცემას, ერთმანეთის ნდობას და მხარდაჭერას, რაც ორ ქვეყნას შორისპოლიტიკური დიალოგის და ორივე მხარისთვის სასარგებლო თანამშრომლობის კიდევ უფრო გაღრმავების მტკიცე საძირკველს წარმოადგენს."
საქართველოსა და მოლდოვას შორის დიპლომატიური ურთიერთობების დამყარების 25 წლისთავის აღსანიშნავიღონისძიებების ფარგლებში საქართველოს საელჩოს ინიციატივით მოლდოვის ფოსტის მიერ დამზადდა საფოსტოკონვერტები და მარკები შესაბამისი სიმბოლიკით. საფოსტო მარკაზე გამოსახულია საქართველოსა და მოლდოვასდროშები და ყურძნის მტევანი. ხოლო საფოსტო ბეჭედზე ამოტვიფრულია მოლდოვას სახელოვანი მმართველი -შტეფან ჩელ მარე (სტეფან დიადი 1433-1504) და საქართველოს მეფე ვახტანგ გორგასალი.
დიპლომატიური ურთიერთობების საიუბილეო თარიღის აღსანიშნავი ღონისძიებების ფარგლებში ქ. კიშინეუსა დაქ. ბელციში ცენტრალურ უბნებში ბილბორდებზე მთელი დღის განმავლობაში ტრიალებდა საიუბილეო თარიღისაღმნიშვნელი სპეციალური ლოგო.