მოსამართლეთა კონფერენციამ იუსტიციის უმაღლესი საბჭოს ოთხი ახალი წევრი აირჩია.
7 კანდიდატიდან მოსამართლეთა ყველაზე მეტი ხმა მიიღეს მოსამართლეებმა: დიმიტრი გვრიტიშვილმა, ირაკლი შენგელიამ, ირაკლი ბონდარენკომ და ვასილ მშვენიერაძემ.
ისინი უფლებამოსილების განხორციელებას ორშაბათიდან შეუდგებიან. ახლად არჩეული წევრები იუსტიციის უმაღლეს საბჭოში ლევან მურუსიძეს, თამარ ალანიას, შოთა გეწაძეს და მერაბ გაბინაშვილს ჩაანაცვლებენ. მათ უფლებამოსილების 4 წლიანი ვადა ამოეწურათ.