საქართველოს განათლებისა და მეცნიერების მინისტრი ალექსანდრე ჯეჯელავას გადაწყვეტილებით, ოლიმპიადაში გამარჯვებულებისთვის სამკვირიანი ბანაკი ერთ კვირამდე შემცირდა.
როგორც ჯეჯელავამ აღნიშნა, ბანაკებში მონაწილეობა არ უნდა უკავშირდებოდეს ოლიმპიადაში მონაწილეობას მხოლოდ და რაიმე აკადემიურ მიღწევებს.
"საზაფხულო და ზამთრის ბანაკები სოციალური უნარების განვითარებას ემსახურება და იმის თქმა, რომ მხოლოდ კარგ მოსწავლეებს სჭირდებათ სოციალური უნარების განვითარება, უსაფუძვლოა. ჩვენი აქცენტი ზაფხულის და ზამთრის ბანაკების შემთხვევაში იქნება მცირე სკოლების მოსწავლეებზე, რომელთა ოჯახებს არ აქვთ საშუალება. ვფიქრობთ, სახელმწიფომ უნდა დააფინანსოს ისინი. რაც შეეხება ოლიმპიადის გამარჯვებულებს, ჩვენ გვაქვს სხვა ინსტრუმენტები, რომ ეს ხალხი დავაფინანსოთ და ისინი ბევრ სიკეთეს იღებენ მათ შორის საერთაშორისო ღონისძიებებზე", - განაცხადა ჯეჯელავამ.
