საქართველოს პარლამენტის თავმჯდომარის, ირაკლი კობახიძის განცხადებით, პატრიარქის მოსაზრება, რომ მონარქიას შემოაქვს სიმშვიდე, არის ჭეშმარიტება.
მისივე თქმით, ამ საკითხზე ილია მეორესთან შეხვედრა იგეგმება.
"რაც ბრძანა უწმინდესმა ეს არის ჭეშმარიტება, ის რომ მონარქიას პოლიტიკურ ცხოვრებაში შემოაქვს სიმშვიდე, ამაზე გვექნება შეხვედრა. კომისიის წევრებს ეს საკითხი არ დაუსვამთ", - განაცხადა ირაკლი კობახიძემ.
ცნობისთვის, ილია მეორემ განაცხადა, რომ ხშირი შემთხვევაა, როცა მეფე მეფობს, მაგრამ არ მართავს, ამას ეწოდება კონსტიტუციური მონარქია და სიმშვიდე შემოაქვს ქვეყანაში.