დიდი ოდენობით ნარკოტიკული საშუალების უკანონო შეძენა-შენახვის და გადაზიდვის ბრალდებით სამართალდამცავებმა ერთი პირი დააკავეს. 1976 წელს დაბადებული ნ.ჭ. პოლიციამ ლანჩხუთში დააკავა.
დაკავებულს ჩხრეკისას აღმოუჩინეს ნარკოტიკული საშუალება სუბოქსინის 4 აბი. შემოწმების შედეგად დადგინდა, რომ ნ.ჭ. დაკავებისას ნარკოტიკული თრობის ქვეშ იმყოფებოდა. იგი აღიარებს დანაშაულს.
გამოძიება საქართველოს სისხლის სამართლის კოდექსის 260-ე მუხლის მე-3 ნაწილის „ა“ ქვეპუნქტით, დიდი ოდენობით ნარკოტიკული საშუალების უკანონო შეძენა-შენახვის და გადაზიდვის ფაქტზე მიმდინარეობს.