ზოგიერთი გადაწყვეტილების მხრივ - პროექტი კარგია, საჭიროა გარკვეული გაუმჯობესებაც, - ამის შესახებ ვენეციის კომისიის მდივანმა, თომას მარკერტმა ბერლინში განაცხადა, სადაც საქართველოს საკონსტიტუციო ცვლილებების საკითხზე ვენეციის კომისიის და საქართველოს სახელმწიფო საკონსტიტუციო კომისიის მონაწილეობით კონფერენცია გაიმართა.
მისი განცხადებით, მას მიაჩნია, რომ ზოგიერთ საკითხთან დაკავშირებით, კარგი იქნებოდა კომპრომისის გამონახვა, რომელიც კონსტიტუციის ტექსტთან დაკავშირებით, საერთო კონსენსუსს მოიტანს.
„მიგვაჩნია, რომ ეს პროექტი არის საკვანძო წინგადადგმული ნაბიჯი. ზოგიერთი გადაწყვეტილების მხრივ - პროექტი კარგია, საჭიროა გარკვეული გაუმჯობესებაც. ვფიქრობ, ზოგიერთ საკითხთან დაკავშირებით, კარგი იქნებოდა კომპრომისის გამონახვა, რომელიც კონსტიტუციის ტექსტთან დაკავშირებით, საერთო კონსენსუსს მოიტანს“, - განაცხადა მარკერტმა.