მზიურის კაფეში ბომბის არსებობა არ დადასტურდა, - ამის შესახებ პოლიცია იტყობინება, რომელთა მცირე ჯგუფი ამ დრომდე მზიურში არის მობილიზებული.
შეგახსენებთ, მზიურის ტერიტორიაზე გამნაღმველები ცოტა ხნის წინ მივიდნენ.
უფრო ადრე, მზიურის პარკში ევაკუაცია გამოცხადდა.
როგორც იქ მყოფებმა განაცხადეს, 112-ში შევიდა შეტყობინება, რომ ტერიტორიაზე ასაფეთქებელი მოწყობილობაა.
ცნობისთვის, მზიურის პარკთან სასულიერო პირები და მრევლის ნაწილი შეიკრიბა. ისინი ლგბტ და ქალთა უფლებებზე მომუშავე ორგანიზაციების მიერ დაანონსებული მეთიუ ვარშუსის მხატვრულ ფილმ "პრაიდის" ჩვენებას აპროტესტებენ. მზიურის პარკის შესასვლელი პოლიციას ჰქონდა ჩაკეტილი და ტერიტორიაზე აქციის მონაწილეებს არ უშვებედა.
