თარიღი    დრო

დეკანოზის სასამართლო პროცესის სრულად დახურვის გამო, შესაძლოა, სხდომა შეწყდეს

საქართველო, თბილისი - 15:20 05.19.2017 285

მოსამართლემ პროკურატურის შუამდგომლობა დააკმაყოფილა. ყველა სასამართლო სხდომა დახურულ რეჟიმში ჩატარდება. "პროტესტის ნიშნად ვტოვებ სხდომას, მოვუწოდებ ადვოკატებსაც დატოვონ დარბაზი,"- განაცხადა სხდომის დახურვაზე მოსამართლის გადაწყვეტილების შემდეგ დეკანოზმა და დარბაზი დატოვა.

მოსამართლის გადაწყვეტილებამდე, პროკურორმა ვლადიმერ ვექილიანმა სასამართლოზე განაცხადა, რომ დადგენილია იმ პირთა ვინაობა, ვისგანაც სავარაუდოდ მამალაძემ ციანიდი შეიძინა. მან აღნიშნა, რომ ესაა კიდევ ერთი არგუმენტი, რის გამოც სხდომები უნდა დაიხუროს. ვექილიანის განმარტებით, ღია სასამართლო სხდომები გამოძიების ინტერესებს ხელს შეუშლის. პროკურორმა სხვა არგუმენტებიც დაასახელა. ვექილიანის განცხადებით, კომპიუტერიდან და ტელეფონიდან ამოღებული მასალა პირადი ცხოვრების შესახებ არა მხოლოდ მამალაძეზე, არამედ მესამე პირებზეც შეიცავს. ამასთან, პროკურორის თქმით, ტერმინოლოგია რომლითაც მამალაძე საუბრობს, სასულიერო პირისთვის დამახასიათებელ საზოგადოებაში დამკვიდრებულ ზნეობრივ ნორმებს ეწინააღმდეგება.

პროკურატურამ დეკანოზ გიორგი მამალაძის მთლიანი პროცესის დახურვა მოითხოვა. პროკურორ ზვიად გუბელაძის განცხადებით, მათი თვითმიზანი არასდროს ყოფილა დეკანოზის პროცესის დახურვა. ამის დასტურია ის, რომ საჯაროდ გამოაქვეყნეს მტკიცებულებათა უპრეცენდენტო რაოდენობა, თუმცა საქმეში არის გიორგი მამალაძის პირადი ცხოვრების შესახებ მასალები, რომელიც ბრალდებასთან  კავშირშია. 

დეკანოზის ადვოკატები კი პროცესის დახურვის შესახებ პროკურორის მოთხოვნას ეწინააღმდეგებიან. როგორც ადვოკატმა გიორგი ფანცულაიამ განაცხადა, პროცესი ღია უნდა იყოს, რომ საზოგადოებამ ინფორმაცია მიიღოს.

დეკანოზ გიორგი მამალაძის ადვოკატებმაც პროცესი დატოვეს. როგორც მიხეილ რამიშვილმა განაცხადა,მათი კლიენტის კატეგორიული მოთხოვნა იყო პროცესი დაეტოვებონათ. გიორგი ფანცულაიას განცხადებით კი,  პროცესიდან გამომდინარე ადვოკატი დასაცავი პირის წინააღმდეგ არ უნდა მოქმედებდეს. "მისი პროტესტი უკანონობიდან იყო გამოწვეული. დაველაპარაკები მამალაძეს და იმედი მაქვს მომდევნო სხდომაზე იგივეს არ მომიწოდებს. სამართლებრივად დღეს უნდა შეწყდეს პროცესი,"- განაცხადა ფანცულაიამ.




komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 80.3%
შემცირდა 16.5%
არ შეცვლილა 3.1%