კომპანია „ყაზტრანსგაზ თბილისზე“ კონტროლის დაბრუნების მიზნით, სააქციო საზოგადოება „ყაზტრანსგაზმა“ საქართველოს მთავრობას საარბიტრაჟო სასამართლოში უჩივლა. ინფორმაციას ამის შესახებ abctv.kz ავრცელებს.
„ყაზმუნაიგაზის“ მმართველი საბჭოს თავმჯდომარე საუატ მინბაევის განცხადებით, შესაძლოა მოლაპარაკება შედგეს ან პროცესი გაგრძელდეს.
„საარბიტრაჟოი პროცესი ხანგრძლივია. შესაძლოა მოლაპარაკება შედგეს, შესაძლოა პროცესი გაგრძელდეს.წინასწარ პროგნოზის გაკეთება რთულია“,- განაცხადა საუატ მინბაევმა.
არსებული ცნობით, სადაო თანხა 180 მილიონ დოლარს შეადგენს.
ცნობისთვის, 2016 წლის გაზაფხულზე „საქართველოს ინდუსტრიულმა ჯგუფმა“ „ყაზტრნასგაზ თბილისის" შეძენის სურვილი გამოთქვა. მაშინ, ყაზახური მხარე პრობლემური კომპანიის გაყიდვის იმედს გამოთქვამდა, თუმცა შეთანხმება როგორც ჩანს, ვერ შედგა.
