2016 წელს თურქული ბაქლავის ექსპორტი საგრძნობლად გაიზარდა. გასულ წელს თურქეთმა მსოფლიო ბაზარზე 575 ტონა ბაქლავა გაიტანა. სტატისტიკური ინფორმაციის მიხედვით, 2016 წელს თურქეთიდან ექსპორტირებული ბაქლავის უდიდესი ნაწილი აშშ-ზე მოდის, სადაც გასულ წელს 106 ტონა ბაქლავა გადაიზიდა და სადაც ექსპორტის ზრდამ 2015 წელთან შედარებით 64 %-ი შეადგინა.
აშშ-ს გარდა თურქული ბაქლავა პოპულარულია არაბეთის გაერთიანებულ საემიროებში და საუდის არაბეთში.
სამივე ქვეყანაში 2016 წელს 2,7 მლნ დოლარის თურქული ბაქლავა გაიყიდა.
2016 წელს თურქული ბაქლავის მწარმოებლებმა პროდუქციის რეალიზაციიდან 5,57მლნ დოლარი შემოსავალი მიიღეს.
ბაქლავა - პოპულარული თურქული ტკბილეული, რომელიც მზადდება ფენოვანი ცომისგან, სიროფისა და ნიგვზისგან.
