თარიღი    დრო

საქართველოს პრეზიდენტი უნგრეთის პრემიერ-მინისტრს შეხვდა

საქართველო, თბილისი - 18:13 04.21.2017 277

საქართველოს პრეზიდენტი გიორგი მარგველაშვილი საქართველოში ოფიციალური ვიზიტით მყოფ უნგრეთის რესპუბლიკის პრემიერმინისტრ ვიქტორ ორბანს შეხვდა.

პრეზიდენტის სასახლეში გამართულ შეხვედრას საქართველოს პრეზიდენტის ადმინისტრაციის უფროსი გიორგი აბაშიშვილი, უშიშროების საბჭოს მდივანი დავით რაქვიაშვილი და პრეზიდენტის მრჩევლები ესწრებოდნენ. უნგრეთის მხარეს კი, უნგრეთის რესპუბლიკის ხელისუფლების წევრები წარმოადგენდნენ.

საქართველოს პრეზიდენტმა გიორგი მარგველაშვილმა მადლობა გადაუხადა ვიქტორ ორბანს საქართველოს ტერიტორიული მთლიანობისა და სუვერენიტეტის მტკიცე მხარდაჭერისათვის.

შეხვედრისას მხარეებმა საქართველოს ევროპულ და ევროატლანტიკურ სივრცეში ინტეგრაციის პროცესის და ნატო-ს მომავალი სამიტის შესახებ ისაუბრეს.

უნგრეთის პრემიერმინისტრმა აღნიშნა, რომ საქართველო რეგიონში ერთერთ მნიშვნელოვან ქვეყანას წარმოადგენს და იგი ევროპული ცივილიზაციის ნაწილია, რომელსაც ძლიერი იდენტობა გააჩნია.

ვიქტორ ორბანმა დაადასტურა უნგრეთის ინტერესი და სურვილი საქართველოსთან ეკონომიკური თანამშრომლობის გაძლიერების და ვაჭრობის უფრო მეტად წახალისების მიმართულებით. საუბარი შეეხო ასევე, განათლების სფეროში თანამშრომლობის საკითხებსაც.

შეხვედრისას საქართველოს პრეზიდენტმა ყურადღება გაამახვილა ქვეყნის სავაჭრო-ეკონომიკურ პოტენციალზე, საქართველოზე, როგორც ევროპისა და აზიის დამაკავშირებელი, სატრანზიტო ქვეყნის მნიშვნელობაზე.

როგორც უშიშროების საბჭოს მდივანმა დავით რაქვიაშვილმა შეხვედრის დასრულების შემდეგ განაცხადა, უნგრეთის პრემიერმინისტრმა მზადყოფნა გამოთქვა ნატო-ს მომავალ სამიტზე საქართველოს პოზიციების მხარდასაჭერად.

„ორბანმა ასევე აღნიშნა, რომ ის ხედავს საქართველოს ერთიან, ევროპულ სივრცეში, როგორც უსაფრთხოების თვალსაზრისით, ისე ევროპისათვის ერთერთ უმნიშვნელოვანეს სავაჭრო -გეოპოლიტიკურ პარტნიორად”, - აღნიშნა დავით რაქვიაშვილმა.




konfliqtebi

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 83%
შემცირდა 13.9%
არ შეცვლილა 3.1%