რაც გუშინ პარლამენტში მოხდა, ეს განმეორდება და ქცევის კოდექსის მიღება საჭირო არ არის, - განაცხადა "ჯი ეიჩ ენთან" საუბრისას, ფრაქცია "საქართველოს პატრიოტების" წევრმა ადა მარშანიამ.
დეპუტატი პარლამენტში გუშინ მომხდარ ფიზიკურ დაპირისპირებას იმით ხსნის, რომ მმართველმა გუნდა ,,ნაციონალურ მოძრაობას“ პოლიტიკურ ველზე ყოფნის საშუალება მისცა.
"ამ დანაშაულებრივი ორგანიზაციისთვის დღევანდელ ხელისუფლებას უნდა მოევლო. ხელისუფლებას იმ ცხრა წლიან პერიოდზე პოლიტიკური შეფასება უნდა მიეცა, რაც ქვეყანაში ხდებოდა. "ნაციონალური მოძრაობა“ პოლიტიკურ ველზე კი არ უნდა ყოფილიყო, მათი ლიდერები სისხლის სამართლის პასუხისმგებლობაში უნდა მიეცათ და ქვეყანაში ადექვატური სიტუაციაც იქნებოდა. რაც გუშინ პარლამენტში მოხდა, ეს განმეორდება და ქცევის კოდექსის მიღება საჭირო არ არის. დეპუტატები ზრდასრული ადამიანები არიან და ძალიან კარგად იქცევიან", - განაცხადა მარშანიამ.