შავ ზღვაში ჩაძირული გემის ეკიპაჟის წევრებს შორის საქართველოს ერთი მოქალაქეა. მედიის ინფორმაციით, ეკიპაჟი რუსეთის ათი, უკრაინის ორი და საქართველოს ერთი მოქალაქისგან შედგება.
შეგახსენებთ, დღეს დილით პანამის დროშის ქვეშ მცურავი სატვირთო გემი შავ ზღვის აკვატორიაში ჩაიძირა. გემის ბორტზე ეკიპაჟის 12 წევრი იმყოფებოდა.კატასტროფის ადგილზე ფართომასშტაბიანი სამაშველო ოპერაცია მიმდინარეობს. არსებული ინფორმაციით, მაშველებმა ხუთი ადამიანის გადარჩენა მოახერხეს, ეკიპაჟის შვიდ წევრს კი ამ დრომდე ეძებენ.
პანამის დროშის ქვეშ მცურავი სატვირთო გემი „გეროი არსენალა“ რუსეთის ქალაქ აზოვის პორტიდან თურქეთისკენ მიემართებოდა და მარცვლეულით იყო დატვირთული.