დარწმუნებული ვარ, ქიმიური შეტევა რუსული მონახაზია, ასადი ამას ვერ გაბედავდა, - ამის შესახებ საქართველოს ექსპრეზიდენტმა მიხეილ სააკაშვილმა CNN-ის ეთერში განაცხადა, სადაც სირიაში ქიმიური იარაღის გამოყენების საპასუხოდ დონალდ ტრამპის გადაწყვეტილება შეაფასა. მისი თქმით, რუსეთის მიზანი ამ შემთხვევაში ამერიკის ახალი ადმინისტრაციის გამოცდა იყო.
"ტიპიურია ასეთი განცხადებების გაკეთება ასადისთვის და ტიპიურია რუსეთისთვისაც. როდესაც ალეპოს ბომბავდნენ, რუსეთის ელჩმა გაეროში განაცხადა, რომ ამბოხებულები აყრიდნენ ნაცარს ბავშვებს, რომ მსოფლიო მედიისთვის სცენა დაედგათ. უფრო ადრე, როდესაც საქართველო იბომბებოდა, რუსები ამბობდნენ არა, ეს ჩვენ არ ვართ, ქართველები არიან, რომლებმაც რუსეთის ფერებში გადაღებეს თვითმფრინავები და ისინი ბომბავენ თავიან ქალაქებსო. ახალი აქ არაფერია. პუტინი ყოველთვის ცდის დასავლეთს. ამას აკეთებს ფრთხილად და დინჯად. დარწმუნებული ვარ, რომ ქიმიური შეტევა რუსული მონახაზია, ასადი თვითონ ამის გაკეთებას ვერ გაბედავდა. ასე გამოსცადა ახალი ადმინისტრაცია, როგორი იქნებოდა ტრამპის პასუხი. შედეგით კი არ მგონია, პუტინი ბედნიერი იყოს. მისთვის ამერიკის რეაგირება ქიმიური იარაღის გამოყენებაზე ნამდვილი კოშმარია. რუსები უკვე აღარ აქებენ ტრამპს და აღარც მოსწონთ," - განაცხადა მიხეილ სააკაშვილმა.
