საპარლამენტო უმრავლესობის ლიდერი არჩილ თალაკვაძე აცხადებს, რომ ვიზალიბერალიზაციის წესების კონტროლისთვის პასუხისმგებლობა თითოეულმა მოქალაქემ უნდა გაიზიაროს.
,,ჩვენ ხელმოწერილი გვაქვს ასოცირების ხელშეკრულება და საქართველო ევროპულ ოჯახში ინტეგრაციისათვის სვლას აგრძელებს. ჩვენი თითოეული თანამოქალაქე, რომელიც შენგენის ზონაში უვიზოდ შევა და იმგზავრებს, კიდევ უფრო მეტად ხდება საკუთარი ქვეყნის წარმომადგენელი, საკუთარი ქვეყნის ელჩი. ჩვენი ევროპული მომავალი თითოეული მოქალაქის პასუხისმგებლობაზეა დამოკიდებული. ხელისუფლებასა და ევროპულ სტრუქტურებს შორის არსებობს სრული თანამშრომლობა სხვადასხვა სფეროში - მათ შორის რეადმისიის, საპოლიციო და დიპლომატიურ სფეროებში. წინასწარ ყველა ის მექანიზმი შევქმენით, რომელიც მომავალში, სხვადასხვა ვითარების კონტროლისთვის და მართვისთვის დაგვჭირდება. მეორე მხრივ, მნიშვნელოვანია, რომ ეს პასუხისმგებლობა თითოეულმა მოქალაქემ გაიზიაროს“, - განაცხადა არჩილ თალაკვაძემ
