თბილისში, ყაზბეგის გამზირზე ავარია მოხდა. გავრცელებული ინფორმაციით, გამთენიისას, ავტომანქანა ჯერ მგზავრთა მოსაცდელს დაეჯახა, შემდეგ პრესის ჯიხურებში შევარდა. მანქანა სავარაუდოდ, დიდი სიჩქარით მოძრაობდა და მძღოლმა საჭე ვერ დაიმორჩილა. მძღოლი საავადმყოფოში გადაიყვანეს.
გამოძიება „სისხლის სამართლის კოდექსის“ 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.