ქვეყანაში ნარკოპოლიტიკის შეცვლის აუცილებლობასა და შესაბამისი დანაშაულის დროს მყარი მტკიცებულებების მნიშვნელობაზე საუბრობენ არასამთავრობო ორგანიზაციების წარმომადგენლები. განსაკუთრებით მაშინ, როცა დაკავებული პოლიტიკური ოპონენტის ოჯახის წევრია.
სამოქალაქო სექტორის ინფორმაციით, განხილვის სტადიაშია შესაბამისი კანონპროექტი, რომელიც ჯანდაცვის კომიტეტთან ერთად მზადდება და მისი შეტანა პარლამენტში აპრილში იგეგმება.
„მანამდე იქნება ეს ეჭვები და პრობლემები, სანამ ჩვენ გვექნება ასეთი კანონი, რომლითაც ნარკოტიკის გამოყენება იქნება დასჯადი მკაცრი ზომებით. უნდა მივიღოთ ისეთ ნარკოპოლიტიკა, როგორიც არის ჩვენს პარტნიორ და დასავლურ სახელმწიფოებში, სადაც ეს არ გამოიყენება არც პოლიტიკური ნიშნით დევნისთვის, არც პოლიციის მიერ გამოძიების მარტივად ჩატარებისთვის,“-განაცხადა გიორგი კლდიაშვილმა.
