უფლისციხის სამხედრო ბაზის სამხედრო მოსამსახურე, რომელმაც გასროლის შედეგად მძიმე დაზიანება მიიღო, გარდაიცვალა.
ინფორმაციას თავდაცვის სამინისტრო ავრცელებს. "18 წლის ბადრი შავაძე თებერვლის ბოლოს მომხდარი შემთხვევის შემდეგ გორის სამხედრო ჰოსპიტალში მკურნალობდა, თუმცა მისი გადარჩენა ვერ მოხერხდა. გამოძიება თვითმკვლელობამდე მიყვანის მუხლით მიმდინარეობს. თავდაცვის სამინისტრო მომხდარის გამო უთანაგრძნობს გარდაცვლილის ოჯახს".