საპარლამენტო უმრავლესობის წევრი ლევან გოგიჩაიშვილი სასესიო სხდომაზე 11-12 მარტს ბათუმში განვითარებულ მოვლენებს გამოეხმაურა. მისი შეფასებით, ეს სახელმწიფოს წინააღმდეგ კარგად დაგემილი კამპანიაა.
"ჩვენ ვნახეთ, ყოფითი პრობლემიდან სხვადასხვა პოლიტიკური გუნდის სავარაუდო წაქეზებით როგორ გადაიზარდა მასობრივ არეულობაში. ხაზგასმით მინდა აღვნიშნო, ეს იყო ვანდალური აქტი, რომელსაც გარკვეული პოლიტიკური პარტიები სხვადასხვა ქალაქებში გამოეხმაურნენ სოლიდარობის აქციებით, ვფიქრობ ეს იყო სამარცხვინო მოქმედება.
ამ ქვეყანას ძალიან ბევრი აქცია უნახავს, მაგრამ ცეცხლის გაჩენა შუა ქალაქში, არა. ეს განხორციელდა იმ ადამიანების მხრიდან, რომელიც 9 წლის განმავლობაში ვანდალურად მართავდნენ, ვანდალურად უსწორდებოდნენ თავის მოქალაქეებს. ახლა ცდილობენ, სხვა პოზიციიდან პროვოკაციებით და სხვადასხვა მეთოდების საშუალებით, დესტაბილიზაციის ინსცენირებები მოახდინონ ქვეყანაში. ვფიქრობ, რეაგირება იყო ადეკვატური. ჩვენ ვნახეთ პირველად ამ ქვეყანაში, რომ ვანდალურ აქციას პოლიციამ უპასუხა ძალიან თანამედროვედ, ახალი სტანდარტით, პროპორციული ძალის გამოყენებით. ეს არის ჩვენი ხელისუფლების ხელწერა, მემკვიდრეობა რასაც ვტოვებთ ამ ქვეყანაში, რომ ყველა სტრუქტურა არის ადამიანის უფლებებზე ორიენტირებული", - განაცხადა ლევან გოგიჩაიშვილმა