საქართველოს პრეზიდენტმა სტუდენტებთან შეხვედრისას მისი შვილის განცხადებაზე ისაუბრა.
რამოდენიმე დღის წინ, ანა მარგველაშვილმა განაცხადა, რომ მისი მეგობარი უკანონოდ დაიჭირეს და ეს პრეზიდენტის განცხადებებს უკავშირდება.
„ყოველთვის ასე ვასწავლიდი და ყველა საქართველოს მოქალაქეს და განსაკუთრებით ახალგაზრდებს ვურჩევ, რომ იყვნენ ძალიან პრინციპულები, თუ მათ მიაჩნიათ, რომ მათი ან მათი ახლობლის უფლება ირღვევა. შესაბამისად, ანა არის ზრდასრული მოქალაქე ამ ქვეყნის და მას გააჩნია უფლება გამოხატოს და ჰქონდეს პრინციპული პოზიცია. საერთოდ ვფიქრობ, რომ თავისუფალი ქვეყანა ვერ შედგება, თუ ნებისმიერი მოქალაქე არ იბრძოლებს თავისი და თავისი ახლობლების უფლებებისათვის,“ - განაცხადა გიორგი მარგველაშვილმა.