გამბიის პრეზიდენტის გადადგომის შემდეგ სახელმწიფო ხაზინიდან 11 მილიონი დოლარი გაუჩინარდა. ამის შესახებ გამბიის ახალმა პრეზიდენტმა ადამ ბეროუმ განაცხადა. მისივე თქმით, მას შემდეგ, რაც იაჰია ჯამემ ქვეყანა დატოვა, გამბიის ფინანსთა სამინისტროსა და ცენტრალური ბანკის სპეციალისტებმა აღმოაჩინეს, რომ ხაზინა თითქმის დაცარიელებულია. გამბიის ყოფილი პრეზიდენტი არჩევნების შედეგებს არ აღიარებდა და გადადგომაზე უარს აცხადებდა, თუმცა მას შემდეგ, რაც რეგიონალური ორგანიზაციები მას სამხედრო ინტერვენციით დაემუქრნენ, პოსტი დატოვა და ქვეყნიდან გაიქცა.