„თავისუფალი ზონის“ ყოფილი წევრები, რომლებმაც ,,ნაციონალურ მოძრაობისა“ და ექს-პრეზიდენტ მიხეილ სააკაშვილის სამომავლო გეგმებზე ისაუბრეს, გამოკითხვაზე დაიბარეს.
„სახელმწიფო უსაფრთხოების სამსახურის კონტრდაზვერვის დეპარატმენტის მიერ ბესო კალაძე და პრესკონფერენციაში მონაწილე სხვა პირები გამოკითხვაზე არიან დაბარებულები“, - აღნიშნავენ სახელმწიფო უსაფრთხოების სამსახურში.
დღეს ”თავისუფალი ზონის” წევრებმა - ბესო კალაძემ, მარიამ კოხრეიძემ, ირაკლი ქომეთიანმა, ქრისტი კვარაცხელიამ, გიორგი არჩვაძემ, ლანა აბრამაშვილმა, დევიდ ლაბაძემ, თამუნა კეკელიძემ, გიორგი ჭინჭარაულმა და ნინო ახალმოსულიშვილმა ორგანიზაციის დატოვების შესახებ განაცხადეს, რის მიზეზადაც მათ ქვეყანაში დესტაბილიზაციის მოწყობის თაობაზე ყოფილი პრეზიდენტის, მიხეილ სააკაშვილისგან დავალების მიღება დაასახელეს.