უშიშროების საბჭოს სხდომა საცირკო სანახაობა არ არის განაცხადა უშიშროების საბჭოს მდივანმა გიგა ბოკერიამ ფრაქცია ,,ქართული ოცნების" თავმჯდომარის ზაქარია ქუცნაშვილის განაცხადების კომენტირებისას და აღნიშნა, რომ იმისთვის, რომ უშიშროების საბჭოს სხდომა გაიმართოს პრემიერ-მინისტრის მზაობაც უნდა არსებობდეს.
,,ფორმალურადაც და რეალურადაც უშიშროების საბჭოს სხდომას პრეზიდენტი იწვევს, მაგრამ იმისთვის, რომ იმისთვის ასეთი შეხვედრა შედგეს ამისთვის უნდა იყოს მზაობა პრემიერის. Aპრემიერ-მინისტრის მხრიდან ნეგატიური დამოკიდებულება ჰქონდა ამ საკითხის მიმართ, რომელიც ჩვენთვის ცნობილია. თუ მან ეს დამოკიდებულება შეიცვალა და მოიცლის ასეთი საკითხების საუბრისთვის იქნება კარგი, მაგრამ ეს პასუხი ჩვენ არ მოგვისმენია. ცალკეული დეპუტატების მიერ გაკეთებული განცხადებები კი ვერ იქნება პრემიერის პასუხი ნამდვილად. თუ ასეთი ღონისძიების ჩატარების მზადყოფნა არ არის, ცირკად ხომ არ შეიძლება, ეს იქცეს?! ამისთვის უნდა იყოს მზაობა არა დეპუტატების, არამედ პრემიერ-მინისტრის მხრიდან", - განაცხადა ბოკერიამ.
შეგახსენებთ, რომ ფრაქცია ,,ქართული ოცნების" თავმჯდომარე ზაქარია ქუცნაშვილი პრეზიდენტის უცხოეთში ვიზიტების მიზნობრიობის შესწავლის მიზნით უშიშროების საბჭოს სხდომის მოწვევას ითხოვს.
