,,ქართული ოცნების" ხელში ჭარბი ძალაუფლების თავმოყრა, ქვეყანას ნამდვილად საფრთხის წინაშე დააყენებს", -განაცხადა ჟურნალისტებთან ,,დემოკრატიული მოძრაობის' ლიდერამ ნინო ბურჯანაძემ და აღნიშნა, რომ ქვეყანაში ერთპარტიული სისტემის არსებობა დაუშვებელია.
,,როგორი კარგიც არ უნდა იყოს პოლიტიკური ძალა, ჩვენ გვაქვს ყველას ძალიან მწარე გამოცდილება არა მარტო საქართველოში, არამედ მსოფლიოს ნებისმიერ ქვეყანაში, რომ ერთპარტიოული სისტემის არსებობის პირობებში აუცილებლად იწყება ძალიან სერიოზული პრობლემები, იწყება სერიოზული შეცდომების დაშვება, რაც ჩვენ აუცილებლად თავიდან უნდა ავირიდოთ. Nნებისმიერი პოლიტიკური ძალის მათ შორის ,,ქართული ოცნების" ხელში ჭარბი ძალაუფლების თავმოყრა, ნამდვილად საფრთხის წინაშე დააყენებს ქვეყანას", _განაცხადა ბურჯანაძემ.
მისივე განცხადებით, მნიშვნელოვანია, რომ პრეზიდენტად აირჩიონ ისეთი ადამიანი ვინც არავიზე დამოკიდებული არ იქნება.
,,მნიშვნელოვანია ქვეყნისთვის, რომ პრეზიდენტის თანამდებობაზე არჩეული იქნას არა ,,ქართული ოცნების" წარმომადგენელი, არამედ ისეთი პოლიტიკური ფიგურა, რომელიც არ იქნება დავალებული ,,ქართული ოცნებისგან", რომელიც არ იქნება დამოკიდებული არავიზე, გარდა საკუთარი ხალხის, რომელიც არ იქნება ვინმესგან, ან რომელიმე პოლიტიკური ძალისგან დანიშნული, არამედ იქნება საყოველთაო არჩევნების შედეგად არჩეული", _განაცხადა ნინო ბურჯანაძემ.
