აშშ-ს ვერმონტის შტატში ევთანაზიის კანონპროექტი დაამტკიცეს. აღნიშნულ კანონპროექტს ხმა სახელმწიფო პალატის 75 წევრმა, 65-ის წინააღმდეგ მისცა. დამტკიცებული კანონპროექტის ძალაში შესასვლელად საჭიროა მას ხელი ვერმონტის გუბერნატორმა მოაწეროს, თუმცა ჯერ-ჯერობით მისი გადაწყვეტილება უცნობია.
ვერმონტის შტატი რიგით მეოთხე იქნება აშშ-ში, სადაც ევთანაზია დაკანონდება. პირველი შტატი ორეგონი იყო, სადაც 1997 წელს აღნიშნული კანონი მიიღეს, შემდეგ კი ევთანაზია ვაშინგტონმა და მონტანამაც დააკანონა.
ვერმონტის შტატში მიღებული კანონპროექტი ორეგონის მოდელია, რომელიც ევთანაზიის მოთხოვნით ავადმყოფის მიერ სამჯერ წერილობით მიმართვას ითვალისწინებს. ასევე აუცილებელია მაქსიმუმ ნახევარი წლის მანძილზე პაცინეტს მეთვალყურეობა ორმა ექიმმა გაუწიოს და გადაწყვეტილება მისი ჯანმრთელობის მდგომარეობის ცვლილებების მიხედვით მიიღონ.
