თბილისის მერი გიგი უგულავა ავღანეთში დაუპული ქართველი სამხედრო მოსამსახურეების გამო მწუხარებას გამოთქვამს.
„ღრმა მწუხარებითა და უდიდესი გულისტკივილით შევიტყვე, რომ ავღანეთში, სამხედრო ბაზა „შუკვანზე" ტერორისტთა შეტევის მოგერიებისას, სამი ქართველი სამხედრო მოსამსახურე დაიღუპა. საქართველომ კიდევ სამი ვაჟკაცი დაკარგა.
დარწმუნებული ვარ, თვით ის მეომრები, ვინც პატრიოტულ ვალს ავღანეთში იხდის, სრულად აცნობიერებს, რომ იბრძვის, რათა საქართველო „დადგეს ერად სხვა ერთა შორის" და მთელს მსოფლიოს, მტერსაც და მოყვარესაც დაუმტკიცოს, რომ ჩვენი ქვეყანა სანდო პარტნიორი და სრულფასოვანი სახელმწიფოა. შესაბამისად, აღიარებს საკუთარ პასუხისმგებლობას მეგობრებისა და მოკავშირეების წინაშე, ჩვენი საერთო იდეალების დასაცავად.
გულწრფელად ვუსამძიმრებ დაღუპულ ვაჟკაცთა ახლობლებს, მათი ოჯახის წევრებს, თანამებრძოლებსა და მეგობრებს".
მასალის გამოყენების პირობები