სებ-ის პრეზიდენტმა კეთილი ინებოს და თავი დაანებოს პოლიტიკურური განცხადებების გაკეთებას და საკუთარ საქმეს მიხედოს, ასე გამოეხმაურა პრემიერ-მინისტრი ბიძინა ივანიშვილი გიორგი ქადაგიძის მიერ რამდენიმე დღის წინ გაკეთებულ განცხადებას, სადაც სებ-ის პრეზიდენტმა განაცხადა, რომ შესაძლოა ქვეყნის ეკონომიკური ზრდის მაჩვენებლის პროგნოზი გადაიხედოს.
როგორც ივანიშვილმა განაცხადა, ის გიორგი ქადაგიძეს რამდენჯერმე შეხვდა და პრემიერ-მინისტრის ინფორმაციით, ქადაგიძემ მას „ქართუ ბანკზე" განხორციელებული ზეწოლის გამო პატიება სთხოვა. „მე მას აღვუთქვი, რომ რაც პირადულია და ჩემიდან მოდის მაქსიმალურად დავიცვა და ვიყო კორექტული. მას აქვს თავისი ფუნქციები და ბოლო დროს ვამბობდი, რომ ის ძალიან პოლიტიკური გახდა", - განაცხადა ივანიშვილმა.
პრემიერ-მინისტრი EBRD -ს პროგნოზს ეთანხმება, სადაც საუბარია, რომ საქართველოს ეკონომიკური ზრდა წლის ბოლოსთვის 5 %-ის ნაცვლად 3 % იქნება. როგორც პრემიერ-მინისტრმა განმარტა წინა ხელისუფლების დროს, რასაც მაშინდელი მთავრობა ეკონომიკურ ზრდას ეძახდა მიიღწეოდა, თუმცა ამას ბიძინა ივანიშვილი ქვეყანაში ახალი პარლამენტის მშენებლობას და ზოგადად მშენებლობას უკავშირებს, რის ხარჯზეც ზოგადად მშპ იზრდება. ბიძინა ივანიშვილის განმარტებით, დღეისათვის ქვეყანაში იუსტიციის სახლებისა და „გაურკვეველი პროექტების" მშენებლობა შეჩერებულია, თუმცა სამომავლოდ ეს შენობები დაგეგმილზე 3-ჯერ იაფად აშენდება. „3-ჯერ გავაიაფებთ მშენებლობას, სამაგიეროდ 3-ჯერ ეფექტურ შენობებს ავაშენებთ"- განაცხადა ივანიშვილმა.
პრემიერ-მინისტრი მიიჩნევს, რომ 2013 წლის მეორე ნახევარი ქვეყნის ეკონომიკისთვის უფრი ეფექტური იქნება.
