ჯანდაცვის მინისტრი დავით სერგეენკო მედიის წარმომადგენლებს ხვდება. აბორტი, მარიხუანას დეკრიმინალიზაცია და მედიკოსების ხელფასები - ეს ის საკითხებია, რაზეც დავით სერგეენკო ჟურნალისტების შეკითხვებს პასუხობს.
მინისტრი აცხადებს, რომ ფეხმძიმობის ხელოვნურად შეწყვეტის ოპერაციასთან დაკავშირებით აუცილებელია ქვეყანამ სტრატეგია შექმნას - რა ფორმით უნდა მოხდეს აბორტის პრობლემის მოგვარება.
გეგმას შეიმუშავებს სპეციალურად შექმნილი კომისია, რომელიც დედათა და ბავშვთა საკითხებზე მუშაობს.
მინისტრი ასევე შეეხო მარიხუანას ლეგალიზაციის თემას. სერგეენკო თვლის, რომ აქაც აუცილებელია სპეციალური სამოქმედო გეგმის გაწერა.