"2013 წელი არის გარდამავალი წელი, ძალიან ბევრი ცვლილება დაგეგმილი, იქმნება ახალი ფონდები, იზრდება სახელმწიფო წილი, რთულდება გარკვეული ბიზნეს სექტორებისთვის ოპერირების პირობები, პრეზიდენტი და თვითმართველობები ჯერ პრაქტიკულად არიან ოპოზიციაში - შედეგად ეს ფაქტორები გავლენას ახენს ეკონომიკაზე. 2013 წელს არსებული ეკონომიკური ზრდის პროგნოზი ამის გამო არის უფრო ნაკლები, ვიდრე ეს იყო 2012 წელს. თუმცა ყველაფერი დამოკიდებულია მთავრობის ეფექტურ მუშაობაზე, ფონდების შექმნის, ბიზნესთან კომუნიკაციის და ინვესტორებთან აქტიური მუშაობის მიმართულებით, რამაც შესაძლოა უფრო მეტი ეკონომიკური ზრდის მიღწევა მოხერხდეს 2013 წელს.

რაც შეეხება შეფასებს, რომ ეკონომიკური ზრდა იყო წლების მანძილზე მაღალი, მაგრამ უმუშევრობაზე და სიღარიბის შემცირებაზე ამას გავლენა არ მოუხდენია, ეს რეალურად ასეა. ეს განვითრებადი ქვეყნების უმრავლესობაში ამ ფორმით ხდება, სადაც არის მუშახელის კვალიფიკაციის პრობლემა, იმპორტი დომინირებს ბაზარზე და არსებობს კონკურენციის შეზღუდვის ფატები და მონოპოლიები, ანუ არ ხდებს ინვესტიციების და ეკონომიკური ზრდით მიღებული შედეგის ბევრ მოქალაქეზე ბუნებრივი გადანაწილება. საქართველოს ეკონომიკა ასეთი მახასიათებლებით გამოირჩეოდა. ბოლო 5 წლის განმავლობაში ვერ მოხერხდა მოსახლეობის დიდი ნაწილის ჩართვა ეკონომიკურ ზრდის ნაწილში, ვერ გაიზარდა კვალიფიკაცია, ბიზნესი იყო პოლიტიკურ კონიქტურაში და არსებობდა პრივილეგირებული და არაპრივილეგირებული კომპანიები. შედეგად მინვესტიციებიდან მოზიდული სახსრები და ფულადი გზავნილებიდან მიღებული სახსრები იხარჯებოდა იმპორტული პროდუქციის შეძენაში, არ იქმნებოდა დანაზოგები, რაც ქმნის რეალურად უმუშევრობიდან და სიღარიბიდან თავის დაღწევის წინაპირობებს.
მეორე გზა არის ბიუჯეტის საშუალებით შემოსავლების გადანაწილება, რაც ასევე ბიოლო წლებში არ იყო ეფექტური და ბევრი არამიზნობრივი ხარჯი გაიწეოდა, თუნდა 1 მილიარდიანი სხვა ხარჯის სახით"- აცხადებს ლექვინაძე.
ლექვინაძის აზრით, ახალი რეფორმები 2013 წელს ამ პრობლემის აღმოფხვრის წინაპირობაა.
"თუ ყველაფერი სწორი გზით განვითარდა 2014 წელს ეკონომიკური ზრდა იქნება ბევრად მეტი ვიდრე 2013 წელს, თან არ უნდა დაგვავიწყდეს რუსული ბაზრის ფაქტორიც, რაც გაზრდის ადგილობრივ ექსპორტს და ახალი კომპანიების თუ ფერმერული მეურნეობების გაჩენას, არსებული კომპანიების განვითარებას"- აცხადებს ირაკლი ლექვინაძე.

2013 წელს მშპ-ს ზრდა სავარაუდოდ, 5.5%-ი იქნება, ხოლო 2014 წელს 6.0%-მდე გაიზრდება, ამის შესახებ აზიის განვითარების ბანკის ანგარიშშია აღნიშნული. ანგარიშში განმარტებულია, რომ საქართველოს ეკონომიკა 2012 წელს კვლავ მაღალი ეკონომიკური ზრდის ტემპით გამოირჩეოდა, რაც 6.1%-იან ზრდაში გამოიხატა, თუმცა ეს მაჩვენებელი უფრო ნაკლები იყო ვიდრე 2011 წელს დაფიქსირებული 7.2%. აზიის
"განვითარების ბანკის აზიის ეკონომიკური მიმოხილვის თანახმად, ეკონომიკურ ზრდაზე აისახა საარჩევნო პერიოდის პერიპეტიები, რაც ხელისუფლების მშვიდობიანი ცვლილებით დასრულდა. მთლიანი შიდა პროდუქტის ზრდა 2013 წელს, სავარაუდოდ, 5.5%-ს შეადგენს, ხოლო 2014 წელს 6.0%-მდე გაიზრდება, დაგეგმილი ფისკალური კონსოლიდაციის და პოლიტიკურ და საინვესტიციო გარემოში არსებული ვითარების ფონზე. აზიის განვითარების ბანკის აზიის ეკონომიკური მიმოხილვაში აღნიშნულია, რომ მიმდინარე ანგარიშის დეფიციტი მაღალი რჩება, თუმცაღა მოსალოდნელია მისი შემცირება 2013-2014 წლებში ფისკალური კონსოლიდაციისა და სტრუქტურული რეფორმების კვალდაკვალ. დეფიციტის მაჩვენებელი კვლავ რჩება საფრთხის შემცველ ფაქტორად და წარმოადგენს რისკს ეკონომიკური ზრდისათვის, რაც, არასახარბიელო გლობალური ეკონომიკურ პირობებში, დეფიციტის საგარეო წყაროებიდან დაფინანსების აუცილებლობითაა განპირობებული"- აცხადებენ აზიის განვითარების ბანკში.
თუმცაღა, საქართველოს ეკონომიკის შთამბეჭდავმა ზრდამ ვერ უზრუნველყო სიღარიბის დონის შემცირება, სამუშაო ადგილების შექმნა და დაბალანსებული რეგიონული განვითარება, ნათქვამია მიმოხილვაში. ქვეყნის განვითარებისთვის უმთავრეს გამოწვევად რჩება ეკონომიკური ზრდის სოციალურ-ეკონომიკური ყოვლისმომცველობა (ინკლუზიური ზრდა), რაც შექმნიდა ეფექტური დასაქმების ახალ შესაძლებლობებს, როგორც სოფლის მეურნეობაში, საარსებო მინიმუმის პირობებში დასაქმებულთათვის, აგრეთვე, საქართველოს სიღარიბით მოცული რეგიონების სხვა წარმომადგენლებისთვისაც.

აზიის განვითარების ბანკი, რომლის სათავო ოფისი მანილაში, ფილიპინებზე მდებარეობს, მიზნად ისახავს აზიასა და წყნარი ოკეანის რეგიონში სიღარიბის დონის შემცირებას ეკონომიკური ზრდის, გარემოს დაცვითი ღონისძიებების და რეგიონული ინტეგრაციის მეშვეობით. 2011 წელს აზიის განვითარების ბანკის მიერ დამტკიცებული სესხების ოდენობამ, თანადაფინანსების ჩათვლით, 21.7 მილიარდი აშშ დოლარი შეადგინა.