საზოგადოებრივი მოძრაობა "დაიცავი საქართველოს" ლიდერის ლევან გაჩეჩილაძის განცხადებით, თბილისის მერობის ერთიანი კანდიდატი არჩევნებზე ოპოზიციის გარანტირებული გამარჯვება იქნება.
"ერთიან კანდიდატზე შეთანხმება მნიშვნელოვანია, რადგან ის არჩევნებზე ოპოზიციის გარანტირებული გამარჯვება იქნება", - განუცხადა გაჩეჩილაძემ ჟურნალისტებს გუშინ, "ალიანსი საქართველოსთვის" ლიდერის, ირაკლი ალასანიას საზოგადოების წარმომადგენლებთან შეხვედრის დასრულების შემდეგ.
ამასთან, გაჩეჩილაძე ირწმუნება, რომ "თუკი ოპოზიცია თბილისის მერობის ერთიან კანდიდატზე ჩამოყალიბდება, პოლიტიკური უმცირესობა ხელისუფლებას არჩევნებს არჩევნების წინ მოუგებს".
"ჩვენ არჩევნების წინ მოვიგებთ არჩევნებს", - აცხადებს გაჩეჩილაძე და აქვე იმასაც განმარტავს, რომ დედაქალაქის მერობის ერთიანი კანდიდატი, რომელიც გიგი უგულავას დაუპირისპირდება, "ნებისმიერი ოპოზიციონერი ლიდერი შეიძლება იყოს".
