აფხაზეთის ლეგიტიმური მთავრობის თავმჯდომარის გია ბარამიას შეფასებით, სერგეი ბაღაფშის "ინაუგურაცია" "საგანგაშო და არა სადღესასწაულო ფაქტია".
"იმ ფონზე, როცა აფხაზეთიდან აფხაზები მორბიან, ჩვენს კონტროლირებად ტერიტორიაზე გადმოდიან და დახმარებას ცენტრალურ ხელისუფლებას თხოვენ, სოხუმში "პრეზიდენტის" ინაუგურაციის გამართვა საგანგაშო და არა სადღესასწაულო ფაქტია", - განუცხადა ბარამიამ აღნიშნულ საკითხზე კომენტირებისას ჟურნალისტებს.
მისივე განმარტებით, ის წარმომადგენლობითი სპექტრი, რომელიც აფხაზეთში ჩასვლას აპირებს, მიუთითებს, თუ როგორი დამოკიდებულება აქვს რუსეთს ამ აბსურდული ინაუგურაციისადმი".
შეგახსენებთ, რომ სოხუმში დღეს აფხაზეთის მარიონეტული რეჟიმის ლიდერის სერგეი ბაღაფშის "ინაუგურაცია" გაიმართება.
