მთავარია, 4 ოქტომბერი არ გაიმეორონ. როგორც უნდათ, ისე მოიქცნენ, დაუჭამიათ ერთმანეთი, – ამის შესახებ პარტიის, „გახარია საქართველოსთვის“ წევრმა, დეპუტატმა ვიკა ფილფანმა „ოპოზიციის ალიანსზე“ საუბრისას განაცხადა.
ფილფანის თქმით, მათი საქმე არ აინტერესებს.
„დაუჭამიათ ერთმანეთი. მათი პოსტებით დაინტერესებული არ ვარ, არ ვკითხულობ. ამ თემაზე თუ რაიმე გაინტერესებთ, მამუკა მდინარაძეს უნდა ჰკითხოთ. ახლა უკვე სუს-ის ახალ ხელმძღვანელს. რამდენიმე დღის წინ მამუკა მდინარაძემ თავად აღიარა, რომ 4 ოქტომბრის პროვოკაცია სუს-ის მიერ იყო დაგეგმილი. შესაბამისად, ყველა პროცესი, რომელიც მიმდინარეობს „ალიანსში“ მონაწილე და სხვა პოლიტიკური პარტიების მონაწილეობით, შეგიძლიათ, ჰკითხოთ, სუს-ს, რადგან მათ უკეთესად იციან, ვიდრე ჩვენ. მათი საქმე არ მაინტერესებს. სიმართლე გითხრათ, ეს ყველაფერი არ მაინტერესებს, ქართველი ხალხი ამას შეაფასებს და გადაწყვეტს. მათი გადაწყვეტილებაა, მათი არჩევანია – უნდათ ცალ-ცალკე იქნებიან, უნდა – ერთად. როგორც უნდათ, ისე მოიქცნენ, მთავარია, 4 ოქტომბერი არ გაიმეორონ. ეს არის ყველაზე მთავარი მოთხოვნა“, – განაცხადა ვიკა ფილფანმა.
