პოლონეთმა უკრაინისთვის ამერიკული იარაღის შესყიდვის დაფინანსების პროგრამა PURL-ის ფარგლებში შენატანების დროებით შეჩერების გადაწყვეტილება მიიღო. ამის შესახებ პოლონეთის პრემიერ-მინისტრმა დონალდ ტუსკმა განაცხადა.
„ნატო-ს გენერალურ მდივანს, მარკ რუტეს ვაცნობე, რომ ამ ეტაპზე PURL-ის პროგრამაში შენატანების განხორციელებას არ ვაპირებთ. ეს პროგრამა უკრაინისთვის ამერიკული იარაღის შესაძენად ევროპის ქვეყნების მიერ გამოყოფილ თანხებს გულისხმობს“, – განაცხადა ტუსკმა.
პოლონეთის მთავრობის მეთაურის განმარტებით, გადაწყვეტილების მიზეზი ქვეყნის მაღალი საბიუჯეტო დეფიციტი და თავდაცვის ხარჯებია.
PURL-ის ინიციატივა 2025 წლის 14 ივლისს აშშ-ის პრეზიდენტმა დონალდ ტრამპმა და ნატო-ს გენერალურმა მდივანმა მარკ რუტემ გამოაცხადეს.
პროგრამის ფარგლებში ევროპის ქვეყნები და კანადა აფინანსებენ ამერიკული სამხედრო პროდუქციის, მათ შორის საჰაერო თავდაცვის სისტემებისა და საბრძოლო მასალის შესყიდვას, რათა უკრაინამ სამხედრო დახმარება სწრაფად მიიღოს.
PURL-ის მექანიზმი მას შემდეგ შეიქმნა, რაც აშშ-ის ადმინისტრაციამ კიევისთვის იარაღის მიწოდება შეწყვიტა.
