მომავალი კვირიდან საპარლამენტო უმცირესობა საკანონმდებლო საქმიანობას დაუბრუნდება. როგორც "ექსპო ჯორჯიაში", "ნაციონალური მოძრაობის" კონფერენციის დასრულების შემდეგ ჟურნალისტებთან საპარლამენტო უმცირესობის ლიდერმა დავით ბაქრაძემ განაცხადა მიღებული გადაწყვეტილება კონკრეტულ ვითარებას უკავშირდებოდა.
,,ოპოზიცია საპარლამენტო საქმიანობას მომავალი კვირიდან დაუბრუნდება და რიგგარეშე სხდომებსაც დაესწრება", - განაცხადა ბაქრაძემ.
შეგახსენებთ, რომ საპარლამენტო ოპოზიციამ საპარლამენტო საქმიანობა კვირის დასაწყისში ყოფილი მაღალჩინოსნების დაკავებების გამო შეწყვიტა.