კემბრიჯის ჰერცოგინია ქეით მიდლტონი ორსულადაა. ამის შესახებ ინფორმაციას ბრიტანული პრესა სამეფო კარზე დაყრნობით ავრცელებს. პრინც უილიამის მეუღლე ორსულობის მეთორმეტე კვირაშია.
"ბი-ბი-სის" ინფორმაციით, ორშაბათს, 3 დეკემბერს ქეით მიდლტონი ჰოსპიტალიზირებულ იქნა. როგორც ვარაუდობენ, 30 წლის ჰერცოგინია საავადმყოფოში რამდენიმე დღეს გაატარებს.
უილიამის და ქეითის შვილი მესამე გახდება იმ მემკვიდრეებს შორის, ვინც სამეფო გვირგვინს ელოდება. მიღებული კანონის თანახმად, ბავშვი მემკვიდრე გახდება იმ შემთხვევაშიც, თუ გოგონა იქნება. სამეფო ოჯახმა უკვე გამოთქვა სიხარული კემბრიჯის ჰერცოგინიას ორსულობის გამო.
შეგახსენებთ, რომ პრინც უილიამის და ქეით მიდლტონის ქორწილი 2011 წლის აპრილში შედგა. მედიაში რამდენჯერმე გავრცელდა ხმები ქეითის ორსულობის შესახებ, თუმცა, ამ ხმების ოფიციალური დადასტურება მხოლოდ ახლა მოხდა.
