იური მეჩითოვი და ხათუნა ხუნდაძე კულტურის მინისტრის მოადგილის თანამდებობაზე აღარ იმუშავებენ. გადაწყვეტილება ამის შესახებ სამინისტროში გუშინ გამართულ თათბირზე იქნა მიღებული.
კულტურისა და ძეგლთა დაცვის სამინისტროში ოპტიმიზაციის პროცესი დაიწყო. საკადრო ცვლილებებთან დაკავშირებით, კომენტარი კულტურისა და ძეგლთა დაცვის მინისტრმა გურამ ოდიშარიამაც გააკეთა.
მინისტრის განცხადებით, ამ ეტაპზე სამინისტროში მმართველი გუნდის ოპტიმიზაციის პროცესი მიმდინარეობს, მინისტრის მოადგილეების ფუნქციებისა და სტატუსის განსაზღვრა კი კულტურის სამინისტროს ახალი პოლიტიკისა და პრიორიტეტების დადგენის შემდეგ იქნება შესაძლებელი.
კულტურის მინისტრის მოადგილეობის ყოფილი კანდიდატები სამინისტროში მუშაობას ამ ეტაპზე ოფიციალური სტატუსის გარეშე გააგრძელებენ.
