2012 წლის ოქტომბერში 2011 წლის ოქტომბერთან შედარებით ინფლაციის დონემ საქართველოში 0,1 პროცენტი შეადგინა. „საქსტატის" ინფორმაციით, 12-თვიან პერიოდში აღნიშნული მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტის, ჯანმრთელობის დაცვის, სურსათი და უალკოჰოლო სასმელები, დასვენების, გართობისა და კულტურის ჯგუფებმა.
ტრანსპორტის ჯგუფზე ფასები გაიზარდა 1,5 პროცენტით. შესაბამისად, ჯგუფის წვლილმა წლიური ინფლაციის საერთო მაჩვენებელში 0,19 პროცენტული პუნქტი შეადგინა. აღნიშნულ ჯგუფში ფასების მატება დაფიქსირდა სამოქალაქო საჰაერო ტრანსპორტზე (26,5 პროცენტი).
ჯანმრთელობის დაცვა: მოცემულ ჯგუფში ფასები გაიზარდა 2,2 პროცენტით. შესაბამისად, ჯგუფის წვლილმა ინფლაციის საერთო მაჩვენებელში 0,18 პროცენტული პუნქტი შეადგინა. ფასები გაიზარდა სამედიცინო მომსახურების ქვეჯგუფზე (21,1 პროცენტი); ამასთან, ფასების კლება დაფიქსირდა ფარმაცევტულ ნაწარმზე (8,3 პროცენტი).
დასვენება, გართობა და კულტურა: ფასები შემცირდა 2,6 პროცენტით, შესაბამისად, ჯგუფის წვლილმა წლიური ინფლაციის საერთო მაჩვენებელში -0,17 პროცენტული პუნქტი შეადგინა.
სურსათი და უალკოჰოლო სასმელები: ფასები შემცირდა 1,4 პროცენტით, შესაბამისად, ჯგუფის წვლილმა წლიური ინფლაციის საერთო მაჩვენებელში -0,13 პროცენტული პუნქტი შეადგინა.
ფასები შემცირდა შემდეგ ქვეჯგუფებზე: შაქარი და სხვა ტკბილეული (9,9 პროცენტი);
ბოსტნეული და ბაღჩეული (6,5 პროცენტი), ზეთი და ცხიმი (4,7 პროცენტი) და პური და
პურპროდუქტები (4,5 პროცენტი).
