სასამართლომ პოეტ პაატა შამუგიას 5-დღიანი ადმინისტრაციული პატიმრობა შეუფარდა. გადაწყვეტილება მოსამართლე მანუჩარ ცაცუამ გამოაცხადა.
პაატა შამუგია პოლიციამ, გუშინ, რუსთაველის გამზირიზე, გზის გადაკეტვის ბრალდებით დააკავეს..
"ვადასტურებ, რომ მე ვიყავი, ვმონაწილეობდი და გამოვხატავდი ჩემს წმინდათა წმინდა უფლებას დავიცვა საკუთარი თავი, საკუთარი თანამოქალაქეები და ჩემი ქვეყანა იმ განსაცდელისგან, რომელშიც თავი ამოგვაყოფინა ოლიგარქიამ.
მე ვფიქრობ, რომ პროტესტის გამოხატვა საფეხმავლო გზაზე კი არა, საერთოდ აღარ არის შესაძლებელი ამ ქვეყანაში, ჩვენ გავდივართ შეუძლებლობის ზღვარზე , თუნდაც ჯარიმების გამო....
დიახ, მე ვაპროტესტებდი და კი, მე გამოვხატავდი ჩემს წმინდათაწმინდა უფლებას," - თქვა პაატა შამუგიამ სასამართლოში.
დღეს სასამართლომ რუსთაველის გადაკეტვისთვის დაკავებულ 70 წლის ვაჟა ბერიშვილს 1-დღიანი, ბექა აგულაშვილს 5-დღიანი, ნიკოლოზ დარსანიას 3-დღიანი, ანუკა გამსახურდიას კი 2-დღიანი ადმინისტრაციული პატიმრობა შეუფარდა
ფოტო: Mo Se
