პრემიერ-მინისტრი ივანეო მერაბიშვილი მთავრობის კანცელარიაში ენერგეტიკის სფეროს წარმომადგენლებს შეხვდა და ენერგეტიკის სფეროში არსებულ პრობლემებსა და მათი გადაჭრის გზებზე ესაუბრა.
შეხვედრაზე ივანე მერაბიშვილმა აღნიშნა, რომ უკანასკნელი შვიდი წლის განმავლობაში საქართველოში ელექტროენერგიის მოხმარება თითქმის გაორმაგდა. მოხმარების მკვეთრმა ზრდამ უარყოფითი გავლენა იქონია რეგიონებში ხარისხიანი ელექტროენერგიის მიწოდებაზე, რაც საფრთხეს უქმნის მაღალტექნოლოგიური აპარატურით აღჭურვილ ისეთ ობიექტებს, როგორებიც არის კლინიკები და საწარმოები. პრემიერ-მინისტრმა ენერგეტიკის ახალ მინისტრს ვახტანგ ბალავაძეს დაავალა უმოკლეს ვადებში შეიმუშავოს აღნიშნული პრობლემისმოგვარების გეგმა.
შეხვედრაზე აგრეთვე განხილული იქნა რეგიონებში ინდივიდუალური გამრიცხველიანების პროცესი, რომელიც 2013 წელს დასრულდება და გაზიფიკაციის პროცესის მიმდინარეობა.
