"ოფიციალური სტატისტიკით, რისკის პრემიის საშუალო მაჩვენებელი საქართველოში 14,7%-ს შეადგენს, მეზობელ სომხეთში ეს მაჩვენებელი 8,6%-ია. რაც შეეხება განვითარებულ ქვეყნებს, აქ რისკის პრემიის მაჩვენებელი 1.5-4%-ის ფარგლებში მერყეობს.

ზოგადად, კონკურენციის შედეგების კუთხით, რომელსაც ნაკლები ფასი და პროდუქტის მრავალფეროვნება მოაქვს, არცერთი ამ შედეგთაგანი, საქართველოს საბანკო სივცეში არ ვლინდება. ამ მხრივ საინტერესოა გლობალური კონკურენტუნარიანობის ინდექსის კიდევ ერთი პუნტქი - საბანკო სერვისების მრავალფეროვნება, რომლის მიხედვითაც 107-ე ადგილზე ვართ 142 ქვეყანას შორის"- აცხადებენ ასოციაციაში.

როგორც "ახალგაზრდა ფინანსისტთა და ბიზნესმენტა ასოციაციაში" განმარტავენ, ყველა ეს ფაქტორი კრედიტების მოცულობაშიც აისახება. საქართველოში ბანკების მიერ გაცემული მთლიანი კრედიტები მთლიანი შიდა პროდუქტის 33.8%-ია. სხვა ქვეყნებში ეს მაჩვენებელი შემდეგია:

ავსტრია - 137%, ბელგია - 117.1%, ბულგარეთი - 71%, დანია - 216.8%, ესტონეთი - 97.6%, უნგრეთი - 81.7%, იტალია - 155.3%, ლატვია - 89.6%, პოლონეთი - 63.6%, რუმინეთი - 54.9%, თურქეთი - 69.3%, უკრაინა - 78.6%. ასევე, სწორედ კრედიტების სიძვირის გამოა, რომ ქართული კომპანიების მხოლოდ 40% იყენებს საბანკო კრედიტებს ფინანსური საშუალებების მოპოვებისთვის.