საქართვეელოში კიდევ ერთი საერთაშორისო აეროპორტის მშენებლობა იწყება. აეროპორტს არაბული "რაკია" 1,5 წელში ააშენებს. მშენებლობის დაწყებისას სიმბოლური კაპსულა პრეზიდენთან ერთად ეკონომიკისა და მდგრადი განვითარების მინისტრმა ჩადო.
"ფოთის აეროპორტი ძალიან სერიოზული გარღვევაა ჩვნეთვის. საქართვეკლოს განვითარების თვალსაზრისით. ეს არის იდეალურად შერჩეული ქალაქი და ადგილი ამ სფეროში ყველაზე მნიშვნელოვანი ინფრასტრუქტურული პროექტისთვის. აეროპორტი, პირველ ყოვლისა, ქალაქ ფოთსა და ფოთის პორტს მოემსახურება. ფოთს ფორტის სერიოზული გაფართოება და გადაიარაღება იწყება. შენდება აეროპორტიც. აეროპორტი მოემსახურება ასევე სამეგრელოს, გურიას, ბათუმს, ქობულეთს, ურეკსა და ანაკლიას, რომელიც ძალიან დიდი კურორტი ხდება. ის მოემსახურება ასევე მესტიას", - განაცხადა პრეზიდენტმა.
სააკაშვილმა დავალება მისცა ეკონომიკისა და ინფრასტრუქტურის სამინისტროებს, რომ შეიმუშაონ კურორტ ბახმაროს განვითარების გეგმა. საკაშვილის თქმით, მნიშვნელოვანია, რომ გურიაში მთის კურორტიც განვითარდეს, რომელსაც მთლიანად მოემსახურება ფოთის საერთაშორისო აეროპორტი.
"ეს აეროპორტი მუდმივად ჩამოიყვანს ტურისტებსა და ბიზნესმენებს. მე მაქვს ამბიცია, რომ ფოთი იყოს 100 % დასაქმების ქალაქი", - აღნიშნა პრეზიდენტმა.