არავითარი დამადასტურებელი მასალა იმისა, რომ დოკუ უმაროვი ცოცხალია არ არის. ეს განცხადება ჩეჩნეთის მეთაურმა რამზან კადიროვმა ჟურნალისტებთან საუბარში გააკეთა.
"პირველი ავიადარტყმის მიყენებიდან იმ ტერიტორიაზე სადაც იგი იმყოფებოდა, არავითარი სერიოზული დამადასტურებელი მასალა, იმის შესახებ, რომ დოკუ უმარვი ცოცხალია არ არსებობს. ხოლო საუბრების აღთქმა სერიოზულად იმის შესახებ, რომ მან საიდანღაც დარეკა არ ღირს, რადგანაც ხმა შეეძლო ვინმეს მიემსგავსებინა", - აცხადებს კადიროვი.
მისივე თქმით, თუ დადასტურდება, რომ უმაროვი ცოცხალია, ეს იმის იმედის მომცემი იქნება, რომ მისი ცოცხლად აყვანა მოხერხდება იმისათვის რათა სასამართლოს წინაშე წარსდგეს.
"ჩვენ ეს ძალიანაც გვინდა, ვინაიდან მის ზურგსუკან დანაშაულებების დიდი შლეიფია", _ განაცხადა კადიროვმა და დასძინა, რომ უმაროვის ანუ ნომერ პირველი ბოევიკის ცოცხლად შეპყრობა მრავალი დანაშაულის გახსნის მანიშნებელი იქნებოდა.
"ადამიანები, ვისი ნათესავებიც მოკლეს უფრო მეტად კმაყოფილნი იქნებოდნენ იმისგან, რომ მას დამნაშავის სკამზე იხილავდნენ, ვიდრე იმისგან, რომ მას სადღაც წაასწრებდნენ და მოკლავდნენ", _ აცხადებს კადიროვი.
მისივე თქმით, მანამ ვიდრე იურიდიულად არ იქნება დადასტურებული, რომ ბანდფორმირების ყოფნის ადგილზე არმოჩენილ ცხედართა შორის უმაროვის ცხედარი აღმოჩენილი არ არის, უნდა მივიჩნიოთ რომ იგი მკვდარია.
კადიროვი ასევე აცხადებს, რომ უკვე დადასტურებულია უმაროვის უახლოესი პირის სუპიან აბდულაევის გარდაცვალება და ეს დამატებით იმის იმედს იძლევა, რომ უმაროვი ცოცხალი აღარაა.
"უმაროვის გვერდით ყოველთვის იმყოფებოდა აბდულაევი, რომელიც ჩრდილოკავკასიელი ბიევიკების მთავარ იდეოლოგად ითვლებოდა. ანუ სადაც უმაროვია იქვეა აბდულაევიც", _ აცხადებს კადიროვი.
კადიროვმა ასევე ხაზგასმით აღნიშნა, რომ უმაროვის ძებნა ჩეჩნეთში ახლაც კი "ერთი წუთითაც არ შეწყვეტილა".
