საქართველოს პრემიერ მინისტრის ნიკა გილაურის ინიციატივით, საჯარო სკოლებში ყოველთვიურად სკოლებისა და მიმდებარე ტერიტორიების დასუფთავების აქციები მოეწყობა. მასში მონაწილეობას სკოლის მანდატურები, მოსწავლეები, პედაგოგები და კურსდამთავრებულები მიიღებენ.
აღნიშნული ინიციატივის ფარგლებში დღეს საქართველოს განათლებისა და მეცნიერების მინისტრი დიმიტრი შაშკინი №52-ე საჯარო სკოლას ეწვია და როგორც ამ სკოლის კურსდამთავრებულმა თავად მიიღო მონაწილეობა სკოლის დასუფთავებასა და ხეების დარგავაში.
დიმიტრი შაშკინის განცხადებით, ყოველთვიურად მსგავსი აქციის მოწყობა ძალიან მნიშვნელოვანია, რადგან მოსწავლეები, პედაგოგები და მანდატურები სკოლის სისუფთავეზე, გამწვანებასა და ჯანმრთელი გარემოს შექმნაზე ერთად იზრუნებენ.
№52-ე საჯარო სკოლის პარალელურად, დასუფთავების აქცია ერთროულად ყველა, მათ შორის თბილისის პირველ ექსპერიმენტალურ სკოლაში მოეწყო. მოსწავლეების, მასწავლებლების, მანდატურების, წარმატებული კურსდამთავრებულებისა და ცნობილი ადამიანების მხრიდან მსგავსი აქციები ყოველთვიურად გაიმართება.
მასალის გამოყენების პირობები
