მოსკოვში, მეტროსადგურ "ოტრადნოესთან" უცნობი პირი ყირგიზეთის ორ მოქალაქეს სამზარეულოს დანით დაესხა თავს.
ინციდენტის შედეგად 18 წლის ყირგიზეთის მოქალაქე დანით მიყენებული ჭრილობებისაგან ადგილზე გარდაიცვალა. მისი თანმხლები პირი კი, რომელიც ასევე 18 წლისაა, გულმკერდის არეში მიყენებული ჭრილობებით საავადმყოფოშია გადაყვანილი და რეანიმაციულ განყოფილებაში იმყოფება.
ინფორმაციას ამის შესახებ რუსული მედია ავრცელებს.
"შემთხვევის ადგილიდან ამოღებულია მკვლელობის იარაღი - სამზარეულოს დანა. დავდასხმის მიზეზებს გამოძიება დაადგენს", - იუწყება რუსული მედია და აღნიშნავს, რომ გარდა ამ თავდასხმისა, მოსკოვში, ასევე ორი უცნობი პირი, თავს ტაჯიკეთის მოქალაქეს დაესხა. 25 წლის ტაჯიკეთის მოქალაქე სასტიკას სცემეს და მას ავტომობილი წაართვეს.
რუსული მედის ცნობით, აღნიშნული ავტომობილი სამართალდამცავებმა მალევე იპოვეს, თუმცა იგი მთლიანად დამწვარი იყო.