საქართველოში, მარტის განმავლობაში, ფრანკოფონიის თვე მოეწყობა.
საქართველოში საფრანგეთის და შვეიცარიის საელჩოები, ასევე ფრანგული ინსტიტუტი მთელი თვის განმავლობაში ფრანკოფონიის დღესასწაულს მრავალფეროვანი კულტურული, ლიტერატურული, თეატრალური, კინემატოგრაფიული, მუსიკალური, სამეცნიერო თუ პედაგოგიური ღონისძიებების პროგრამით აღნიშნავენ.
როგორც "ჯი-ეიჩ-ენს" საფრანგეთის საელჩოდან აცნობეს, ღონისძიებების გარდა, გაიმართება კონკურსები მოსწავლეების, სტუდენტებისა და ფრანგული ენის პედაგოგებისთვის. გამარჯვებულებისთვის დაწესებულია მრავალფეროვანი პრიზები, მათ შორის 1 კვირიანი მოგზაურობა პარიზში.
ფრანკოფონიის თვის ფარგლებში დაგეგმილ ღონისძიებებთან დაკავშირებით ხვალ, 4 მარტს, 15 საათზე, ალექსანდრე დიუმას სახელობის ფრანგული კულტურის ცენტრში (გუდიაშვილის ქ. 10) პრესკონფერენცია გაიმართება.
