ბიზნესომბუდსმენთან დავების განხილვის საბჭოს შექნმა ჯერ მხოლოდ იდეის დონეზე რჩება. როგორც "ჯი-ეიჩ-ენს" პარლამენტის საფინასო-საბიუჯეტო კომიტეტის თავმჯდომარემ ზურაბ მელიქიშვილმა განუცხადა, ამ ეტაპზე ბიზნესომბუდსმენთან დავების საბჭოს შექმნის შესახებ მხოლოდ განცხადებაა გაკეთებული და მის შექმნასთან დაკავშირებით მონახაზებზე მუშაობა ბიზბნესწრეებთან ერთად მოხდება.
"ეს არ იქნება დახურული პროცესი და მის შემუშავებაშიც და შემდგომ პარლამენტში დაწყებულ განხილვებშიც ბიზნესმენები უშუალო მონაწილეობას მიიღებენ", - აღნიშნა მელიქიშვილმა.
მისივე თქმით, ჯერჯერობით მხოლოდ ის არის ცნობილი, რომ დავების განხილვის საბჭოს სტრუქტურული რეორგანიზაცია იგეგმება, რის შემდეგაც აღნიშნული სტრუქტურა ბიზნეს ომბუდსმენთან ჩამოყლიბდება, თუმცა რა სახით ჯერჯერობით გადაწყვეტილი არ არის.
ამასთან, როგორც "ჯი-ეიჩ-ენს" ბიზნესომბუდსმენმა გიორგი პერტაიმა განუმარტა, კერძო სექტორს საგადასახადო დავის გასაჩივრება შემოსავლების სამსახურთან არსებულ დავების განხილვის საბჭოში, ფინანსთა სამინისტროსთან არსებულ დავების საბჭოსა და შემდეგ უკვე ბიზნეს ომბუდსმენთან დაარსებულ დავების განხილვის საბჭოშიც შეეძლება, თუმცა ნებისმიერ დროს მას შეუძლია სასამართლოს მიმართოს.
შეგახსნებთ, რომ აღნიშნული ინიციატივა პრემიერ-მინისტრმა ნიკა გილაურმა 1 მარტს მთავრობის სხდომაზე გააჟღერა.
