თეთრმა სახლმა პარასკევს, 1 მაისს, კონგრესისთვის გაგზავნილ წერილში განაცხადა, რომ ირანის წინააღმდეგ საბრძოლო მოქმედებები „დასრულებულია“, მიუხედავად იმისა, რომ ამერიკის შეიარაღებული ძალები კვლავ რეგიონში რჩებიან.
ამის შეასხებ The Associated Press იუწყება.
როგორც აღნიშნულია, ამ განცხადებით დონალდ ტრამპი „ფაქტობრივად გვერდს უვლის“ კანონით დადგენილ 1-ელი მაისის ვადას, რომლის მიხედვითაც მას კონგრესისგან უნდა მიეღო ნებართვა ირანთან ომის გაგრძელებისთვის.
წერილში ტრამპმა აღნიშნა, რომ ირანის წინააღმდეგ საბრძოლო მოქმედებები „დასრულებულია“. თუმცა, ასევე მიანიშნა, რომ ომი შესაძლოა ჯერ კიდევ შორს იყოს დასრულებისგან.
„მიუხედავად შეერთებული შტატების ოპერაციების წარმატებისა ირანის რეჟიმის წინააღმდეგ და გრძელვადიანი მშვიდობის უზრუნველყოფის მცდელობებისა, საფრთხე, რომელსაც ირანი უქმნის აშშ-სა და ჩვენს შეიარაღებულ ძალებს, კვლავ მნიშვნელოვანია,“ – განაცხადა მან.
როგორც ცნობილია, ხუთშაბათს ირანმა პაკისტანის შუამავლების მეშვეობით შეერთებულ შტატებს განახლებული წინადადებები გადასცა ომის დასრულების შესახებ შეთანხმებაზე.
ტრამპმა აღნიშნა, რომ ირანის სამშვიდობო წინადადებებით უკმაყოფილოა, ხოლო მისი წარმომადგენლები შეთანხმების მიღწევაზე მოლაპარაკებებს სატელეფონო რეჟიმში აგრძელებენ.
